Како што тврди „Тутомеркато“, „росонерите“ го контактирале украинскиот селектор Андриј Шевченко, иако Марко Џампаоло има уште еден натпревар да ја „спаси“ неговата работа.

Во неделата го прослави 42 роденден, неговиот поранешен клуб повторно ги разочара своите навивачи, откако на домашен терен загуби од Фиорентина за вкупно трет пораз во низа.

Crisis #club AC Milan approach Ukraine coach Andriy Shevchenko#acmilan ?? #Serie_A https://t.co/FAEI47NAWo

— 90 Minutes Football News (@footy90com) September 30, 2019

Сегашниот тренер Марко Џампаоло е свесен дека е на голем удар од фановите и наскоро може да ја напушти тренерската функција, а веќе се шпекулираат негови наследници. Андриј Шевченко, поранешната клупска легенда кој моментно е селектор на Украина со чија репрезентација има договор до јули 2020 година, можно е да се врати на „Сан Сиро“, но како тренер.

Екс-напаѓачот со калчолигашот своевремено имаше 208 натпревари и 127 голови, со по еден трофеј во Лигата на шампионите, УЕФА Суперкупот, Серија А, Купот и Суперкупот на Италија во периодот од 2003 до 2004 година.

Не е познато колкави би биле шансите сега да се врати Шева во Милан, со репрезентацијата одлично котира во квалификациите за пласман на ЕП 2020. Моментно после пет натпревари е на првата позиција со 13 бодови, пред Португалија (8) и Србија (7), а следните мечеви ќе ги има на 11 и 14 октомври на домашен терен против Литванија и Португалија, кои што се клучни за учество на континенталниот собир.