Шест позитивни случаи во фудбалските клубови Ренова и Шкендија
Заразените од Ковид-19 веднаш ќе бидат ставени во самоизолација и домашен карантин.
Исто така мобилна екипа на „Аџибадем Систина“ изврши тестираање во просториите на Работнички и Брегалница од Штип. И таму сите тестирани се негативни и непречено можат да си ги извршуваат своите работни задачи.
Тоа беше продолжување на низата добри информации пред продолжувањето на сезоната во Првата лига, но денеска Синдикатот немаше убава вест.
Има шест позитивни случаи во два фудбалски клубови од Тетово, четири во Ренова, а два во Шкендија.
– По вчерашните тестирања во двата тетовски клуба Фк Ренова и Фк Шкендија имаме позитивни случаеви на Ковид 19. По повторената анализа во лабораторијата на Аџибаден Систина за жал имаме позитивни случаеви. Информацијата ја имавме уште касно синоќа но чекавме повторена анализа.
Затоа денешните тренинзи на овие два клуба беа откажани. Имињата на заразените се уредно доставени до Фк Ренова и Фк Шкендија во текот на денот. Позитивните на Ковид 19 веднаш ќе бидат ставени во самоизолација и домашен карантин.
Четворица позитивни има во таборот на Фк Ренова и двајца во таборот на Фк Шкендија.
Утре продолжуваме со тестирање и на другите тимови од првата Македонска лига – велат од Синдикатот на фудбалери на Македонија.