Шахистите на Алкалоид повторно ја освоија шампионската титула
Завршија екипните првенства на Македонија во машка и женска конкуренција, кај мажите шаховскиот клуб Алкалоид го потврди приматот и повторно ја освои шампионската титула.
На второто место заврши шаховскиот клуб Прилеп, а на третата позиција се шахистите на Гамбит Ассеко СЕЕ.
Редоследно од четвртото до осмото место се најдоа: ГШК Куманово, ШК Гостивар, ШК Ан Пасан, ШК Фишер и ШК Стево Патако.
Кај жените беше неизвесно до самиот крај, каде што последниот меч помеѓу ШК Алкалод и МШК Центар директно решаваше за титулата. Со победа екипата на МШК Центар го обезбеди првото место и го освои шампионскиот пехар.
Второпласирани се шахистките на Алкалоид, а на третото место е ГШК Куманово. Редоследно од четвртото до седмото место се најдоа: ШК Гамбит Ассеко СЕЕ, ГШК Неготино, ШК Стево Патако и ШК Карпош.