Подобра од Серена Вилијамс беше грчката тенисерка Марија Сакари која славеше во три сета и тоа со 5:7,7:6,6:1. Серена по голема борба во првиот сет успеа во финишот да направи брејк и да поведе со 1:0, за веќе во првиот гем од вториот сет да го загуби сервисот.

Во свој стил, Серена Вилијамс возвраќа не со еден туку со два брејка и дојде до 5:3 во гемови и доби можност на свој сервис да ја заврши работата. Но Сакари токму тогаш прави брејк и се враќа во сетот по што се избори за тајбрејк кој го реши во своја корист и го однесе мечот во одлучувачки трет сет.

Во него целосна доминација на грчката тенисерка, направи дури два брејка и поведе со 5:0 по што рутински го заврши дуелот со големата шампионка.
Следен противник за Сакари во четвртфиналето ќе биде осмата носителка Џоана Конта.

Во машкиот дел од турнирот во ноќната програма најинтересен беше дуелот помеѓу Стефанос Циципас и Џон Иснер. На крајот победата му припадна на Гркот кој двата сета ги доби во тајбрејкот со големиот сервер.
Нареден противник на Циципас ќе му биде Американецот Рајли Опелка кој го изненади Матео Беретини во два сета со 6:3,7:6.