Пејачката Бритни Спирс и нејзиниот долгогодишен партнер Сем Асгари се разделуваат по 14 месеци брак. Извори за „Ти-ем-зи“ открија дека, пред околу една недела, Асгари се соочил со Спирс за гласините дека таа го изневерувала.

Сега, како што дознава „Пејџ сикс“, Сем Асгари, наводно, сака поп-ѕвездата да му плати повеќе пари, од она што го обезбедува нивниот предбрачен договор, за замена за чување на нејзините срамни тајни, по нивното разделување.

Извор близок до парот, изјавил дека младиот актер, се обидува да преговара за отстапки надвор од договорот и се заканува дека ќе излезе во јавноста со неверојатно засрамувачки информации за Бритни доколку не добие пари.

Не е јасно точно колку пари побарал Асгари или дали сегашниот предбрачен договор дозволува откривање на негативни информации за пејачката.

Сепак, извори блиски до тимот на пејачката тврдат дека таа е заштитена и дека нивниот развод и разделба ќе биде достоинствен и мирен.

Како потсетување, Бритни Спирс и Сем Асгари се венчаа во јуни 2022 година, на свадбена церемонија во куќата на поп-ѕвездата. Меѓу гостите беа Мадона,Парис Хилтон иСелена Гомез.

Тие беа во врска шест години пред да се венчаат, а се запознаа на снимањето на видеозаписот за песната „Slumber Party“.

„Ова ќе го потресе светот“: Бритни Спирс ја заврши својата автобиографска книга

„Ова ќе го потресе светот“: Бритни Спирс ја заврши својата автобиографска книга