Се враќа ли корона кризата повторно? Светските берзи испраќаат исти знаци како во февруари

epa08297986 A trader wipes his forehead at the opening bell at the New York Stock Exchange in New York, New York, USA, 16 March 2020. Stocks opened sharply lower this morning and trading was halted for 15 minutes at the opening bell as investors continue to react to the impact of the coronavirus COVID-19 pandemic. EPA-EFE/JUSTIN LANE

Инвеститорите ширум светот се исплашени, индексите на берзите повторно секојдневно се во црвено поле, а цената на нафтата која почна да се опоравува, по втор пат тргна кон минус.

Ова се вестите на кои само на кратко заборавивме, а ваквите вести ги читавме во февруари, непосредно пред прогласувањето на пандемија од новиот корона вирус. Невозможно е да не се запрашате дали светските берзи ни испраќаат знак за доаѓање на втор бран од вирусот и нова економска криза?

На најголемата светска берза на „Wall street“, по тридневен силен раст, индексот Дау Џонс и S&P 500 забележаа пад бидејќи расте стравот на инвеститорите поради силниот раст на бројот на заразени лица од корона вирусот во најмалку шест сојузни држави во САД. Расте и бројот на невработени, а американските берзантски индекси речиси секојдневно се во минус барем еден отсто.

На азиските берзи и денеска се тргува претпазливо, што пак тамошните медиуми го толкуваат како спласнување на надежите на инвеститорите за опоравување на економијата. Инвеститорите се загрижени и од вестите од Кина каде поради повторно појавување на кластери со заразени откажани се повеќе од илјада летови, затворени се делови од Пекинг, како и училиштата.

Во компаниите „Митсубиши и Морган Стенли Секјуритис“ велат дека инвеститорите верувале во опоравување во периодот од јули до септември, но дека сега малкумина веруваат во такво сценарио.

Видео на денот