Генералниот секретар на Советот на Европа, Марија Пејчиновиќ Буриќ, денеска во Стразбур изјави дека националните малцинства биле особено обесправени за време на пандемијата на коронавирусот, бидејќи немале пристап до информации на нивниот јазик, а на некои им биле забранети и основните санитарфни средства.

„Со цел информациите за јавното здравје да стигнат до припадниците на националните малцинства, треба да бидат достапни и разбирливи. Сепак, студија спроведена минатата година покажа дека голем број земји-членки не дадоа информации за коронавирусот, здравствени совети и услуги”.

На отворањето на конференцијата во Стразбур, „Норматите и стандардите на Советот на Европа за правата на националните малцинства: резултати и предизвици”, во рамките на унгарското претседателство со Комитетот на министри на Советот на Европа, Пејчиновиќ Буриќ истакна дека напори беа направени за време на пандемијата за борба против говорот на омраза и дезинформациите.

Припадниците на малцинствата имаа ограничен пристап до онлајн образование на нивните јазици и, како што истакна, Ромите беа особено погодени.

„На многумина им беше забранет еднаков пристап до здравствена заштита, дури и основни санитарни услови, како што е вода”, рече Пејчиновиќ Буриќ.

Според неа, за време на пандемијата  дополнително се нагласиле предрасудите, занемарувањето и дискриминацијата.