Сопственикот на „Далас Маверикс“, Мајк Кубан, не е баш типичен богаташ. Во еден момент рече дека не сака повеќе да заработува, во моментов има нето вредност од 4 милијарди долари, како и дека не сака неговите две ќерки и син да бидат „размазени“ татини деца.

Кај него нема „бескрајо полнење на картичките“, ниту потпишување чекови, туку се што сакаат мора сами да си го купат, но претходно и да си заработат пари.

Овој пат познатиот милијардер ги советува сопствениците на компании што да направат доколку сакаат да ги сочуваат бизнисите од пропаст.

– Доколку сакате вашата компанија да преживее и да продолжи да цвета, дајте им на вработените удел и сопственост. Тие поради тоа ќе работат понапорно, ќе имаат друг поглед врз нештата, и сите ќе имаат корист од тоа, напиша Кубан.

Како што наведува откако била продадена „Broadcast.com“ на компанијата „Yahoo“, од 330 вработени друи 300 од нив станале милионери. А останатите 30 не станаа затоа што почнаа премногу доцна.

Доколку ги вклучите вработените во сопственичката структура треба да имате на ум две работи: одржувајте добри односи и прашај те ги за мислење.