Саинс најбрз во квалификациите на дождливиот Силверстоун
Возачот на Ферари, Карлос Саинс јуниор ја освои пол позицијата на возбудливите квалификации за трката на Големата награда на Британија што се одржаа во дождливи услови на легендарната патека Силверстоун.
Саинс со пол позицијата дојде буквално во последните секунди од квалификациите, иако во ниту еден момент не беше блиску до Верстапен и Леклер, кои имаа најдобар ритам. Ова воедно е прва пол позиција за возачот на Ферари во кариерата.
IT’S A FIRST POLE FOR CARLOS SAINZ!!! 👏👏👏#BritishGP #F1 pic.twitter.com/voaglb4wSV
— Formula 1 (@F1) July 2, 2022
Во послендите моменти од третата квалификациска сесија во која настапија најдобрите 10 возачи, Саинс кругот што му ја донесе пол позицијата го извозе да 1:40.983 минути и беше за 72 стотинки побрз од возачот на Ред Бул, Макс Ферстапен.
Третото најбрзо време го имаше Шарл Леклер од Ферари кој заостана 0,315 секунди зад Саинс, додека вториот возач на Ред Бул, Серхио Перес беше четврти.
Од петто до десетто место се пласираа Луис Хамилтон, Ландо Норис, Фернандо Алонсо, Џорџ Расел, Ганју Жоу и Николас Латифи.
Трката за Големата награда на Велика Британија се вози во недела од 16:00 часот.