Рускиот „витез“ го нокаутираше Вајт во петтата рунда! (ВИДЕО)
Александр Поветкин (40) триумфираше против Дилијан Вајт за привремената светска титула во тешка категорија во верзијата „ВБЦ“.
Во градот Брентвуд рускиот „витез“ во петтата рунда од борбата го нокаутираше осум години помладиот Британец.
Alexander Povetkin Upsets Dillian Whyte by massive KO Rd 5. #boxing pic.twitter.com/mB6oPURD4J
— Sarberous (@sarberous) August 22, 2020
Претходно Поветкин се наоѓаше во тешка ситуација, бидејќи во четвртата рунда двапати беше на подот и во нокдаун, но успеа да се извлече од истата и го пронајде „ударот од неговите соништа“.
Тоа беше негова 36 победа во 39 професионални борби, со два порази од Џошуа и Владимир Кличко.
За Вајт ова беше втор пораз, претходно загуби од Џошуа, а веднаш после мечот побара да биде закажан реванш со Поветкин. Од друга страна Поветкин сега би можел да размислува за борба против шампионот на „ВБЦ“ федерацијата, Тајсон Фјури.