Романците ни завршија работа, Македонија ќе игра на завршниот турнир во Европската сребрена лига
Одбојкарската репрезентација на Македонија обезбеди пласман на завршниот турнир во Европската сребрена лига што ќе се игра во Унгарија.
Одбојкарите го освоија второто место во групата Б поради подобар сет количник од Албанија, а заслугите за тоа одат на сметка на селекцијата на Романија која денеска славеше со 3:0 во сетови и тоа 25:18,25:19,25:22 над Албанците.
На Македонија по вчерашната победа над БиХ, денеска и беше потребна победа на Романија, а притоа Албанците не смееја да освојат повеќе од еден сет. На крајот Романија издвојува максимална победа и не испрати на завршниот турнир во Унгарија.
Романија го освои првото место во групата Б со 13 бода, Македонија има 10 колку што има и Албанија, но има и подобар сет количник.
Македонија и Романија им се приклучија на селекциите на Унгарија и на Финска на завршниот турнир.