Ролан Гарос: Федерер игра се подобро, го суреди и Чилиќ

epa09239205 Roger Federer of Switzerland in action against Denis Istomin of Uzbekistan during their first round match at the French Open tennis tournament at Roland Garros in Paris, France, 31 May 2021. EPA-EFE/YOAN VALAT

Рожер Федерер обезбеди пласман во третото коло на Ролан Гарос откако во четири сета славеше над Марин Чилиќ. Швајцарецот кој моменто е осми тенисер на АТП ранг листата, го победи 47 светски тенисер со 6:2,2:6,7:6,6:2 за два часа и 38 минути игра.

Шампионот на Ролан Гарос од 2009 година во наредното коло го очекува Германецот Доминик Кепфер кој со 3:1 во сетови беше подобар од Тејлор Фриц.
Федерер одлично го започна мечот со Чилиќ, освои пет од воведните шест гема и рутински поведе со 1:0 во сетови. Во вториот сет следеше фуриозен одговор на Чилиќ кој веднаш направи брејк и поведе со 3:0 по што во последниот гем уште еднаш го одзеде сервисот на Федерер и дојде до израмнување во сетови.

Третиот сет се покажа како клучен за крајниот победник, Федерер прво поведе со 3:1 но Чилиќ успеа да дојде до израмнување и го однесе сетот во тај-брејк. Во него, Федерер поведе дсо 5:2 и дојде на само еден сет од пласман во третото коло.
Добиениот сет му даде самодоверба на Швајцарцот, направи брејк и без проблеми го приведе мечот до крајот.

Ролан Гарос: Ѓоковиќ лесно го победи Куевас за пласман во третото коло

 

Видео на денот