17.8 C
Скопје

РК Металург: Треба сите клубови да ѝ помогнат на македонската репрезентација

Ракометниот клуб Металург денеска официјално информира дека спогодбено се раздели со двајца интернационалци, Никола Потиќ и Маријан Мариќ.

И двајцата ракометари беа надвор од квотата пропишана од нашата федерација, а со нивното заминување бенефит ќе имаат македонските играчи на нивните позиции.

– Металург спогодбено ги раскина договорите со Никола Потиќ и со Маријан Мариќ, поради неможноста тие да се вклопат во концептот за странски играчи. Им се заблагодарувам на досегашната соработка, тие се квалитетни играчи кои заслужуваат да имаат многу поголема улога во тимот од таа што ние можевме да им ја пружиме во моментов.

Јас и стручниот штаб сме согласни дека е време Мартин Серафимов да го понесе товарот на прв десен бек. За тоа тој е спремен и физички и психички, созреан доволно за да може да одговори на тој предизвик, во клубот и во репрезентацијата.

Мое мислење, како претседател на македонски клуб и член на УО на РФМ, е дека во овој период сите клубови заеднички треба да помогнеме и да ги подигнеме македонските играчи на ниво на кое ќе можат да ѝ помогнат на репрезентацијата.

Странските искусни играчи ќе бидат секогаш добредојдени, покрај нив младите ќе можат да учат и да напредуваат. Ситуацијата е загрижувачка и затоа мора да се направи чекор повеќе за развивање на играчите во сите клубови – вели претседателката на Металург, Зорица Блажевска.

Блажевска исто така потенцираше дека со Потиќ и со Мариќ заврши листата на ракометари кои ќе бидат ослободени од обврските во Металург и дека во наредниот период клубот ќе добие засилувања.

Поврзани вести

И Тим се откажа од настап на ОИ во Токио

Слободен печат

Бразил го растури Перу, Нејмар во лов на рекордот на Пеле

Слободен печат

ВИДЕО: Милвоки се ибори за мајсторка, Мидлтон и Јанис го срушија Бруклин

Слободен печат

Пандев и Ангеловски го прекршија протоколот на УЕФА, беа на вечера со семејствата

Слободен печат

ПСЖ е главен фаворит за потпис со Рамос

Слободен печат

ВИДЕО: Холандска доминација над Австрија за пласман во осминафиналето

Слободен печат

Остави Коментар