Ред Бул со новиот болид најавува напад на Ф1 титулата!
Ред Бул нема Ф1 титула од 2013. година, во новата сезона возачи ќе бидат Макс Ферстапен и Алекс Албон. Тестирањата ќе почнат на 19 февруари во Барселона.
Екипата на Ред Бул денеска го промовираше својот болид „РБ16“ со кој ќе се обиде да ја прекине доминацијата на Мерцедес во Формула 1.
По пат на социјалните мрежи беше претставен болидот, Макс Ферстапен веќе ги проба перформансите на Силверстоун.
Ред Бул нема Ф1 титула од 2013. година, а оттогаш шампион беше Мерцедес, во конкуренцијата на возачите и конструкторите.
Looking through the lens at launch ? As the RB16 gets 2020 up and running ?? https://t.co/9EUJgJReA5 #ChargeOn pic.twitter.com/n3bYlZr53F
— Aston Martin Red Bull Racing (@redbullracing) February 12, 2020
Веруваат дека сезонава ќе бидат поконкурентни и дека со Мерцедес и Ферари ќе водат битка за шампионската титула.
Втора година по ред ќе ги користат моторите на Хонда, со кои лани беше направен голем напредок. Освен Верстапен, за тимот ќе вози и Алекс Албон.
RB16とRB15の比較（露出調整）#F1jp pic.twitter.com/tlEk3AsMcN
— KOM (@kom_423) February 12, 2020
Минатата година Верстапен заврши на третото место во генералниот пласман, зад дуото на Мерцедес, Луис Хамилтон и Валтери Ботас. Имаше три победи, во Австрија, Германија и Бразил, и две пол позиции. Ред Бул беше третопласиран зад Мерцедес и Ферари.
Да додадеме уште дека предсезонските тестирања започнуваат на 19 февруари во Барселона, а сезоната официјално ќе започне со трката за Големата награда на Австралија на 15. март во Мелбурн.
