Рецепт за плескавици од тиквички и пилешко месо: Летен ручек со фантастични ќофтиња
Белото месо можете да го комбинирате со различни намирници, а можете да го подготвите и на скара, пржено… Во комбинација со тиквички, направете фантастични ќофтиња и брзиот летен ручек е готов. Плескавиците најчесто се прават од мелено месо, но оваа комбинација на состојки е хит. Послужете ги со салата или некој прилог, на пример, грашок.
Препорачано
Состојки:
– 1 кромид
– 2 чешниња лук
– 1 лажичка црвен пипер
– 2 јајца
– 1 пилешко филе
– 1 тиквичка
– 4 лажици овесни снегулки
– 2 лажици пармезан
– 1 лажичка италијански зачини
– сол
Подготовка:
Изблендирајте ги кромидот, лукот, солта, црвениот пипер и јајцата, а потоа додајте го белото месо и сè убаво измешајте во блендерот.
Тиквичката изрендајте ја, па посолете ја и оставете ја да отстои 10 минути. Добро процедете ја и додадете ја во смесата со месото. Исто така, изблендирајте ги овесните снегулки и додајте ги во месото, па додајте пармезан и италијански зачин. Сè добро соединете. Извадете со лажица од смесата и сипете во тавче во кое сте загреале малку масло. Пржете од двете страни.
