Возачот на Мерцедес, Џорџ Расел, ја освои пол-позицијата за спринт трката на Големата награда на Кина, втората трка од овогодинешниот шампионат во Формула 1.

Откако беше најбрз на слободните тренинзи, Расел стигна до пол-позицијата за спринт со време од 1:31.520 мин. Неговиот колега Кими Антонели ќе ја започне спринт трката од втората позиција, кој беше 0,289 секунди побавен, додека возачот на светскиот шампион Мекларен, Ландо Норис, беше трет.

Возачот на Ферари, Луис Хамилтон, беше четврти, вториот возач на Мекларен, Оскар Пјастри, беше петти, додека Шарл Леклер од Ферари шести.

Спринт-трката е на програмата в сабота од 16.00 часот, додека квалификациите за главната трка се од 20.00 часот.

Трката за Големата награда на Кина ќе се вози во недела од 20.00 часот.