Расел Бренд ја искритикува врската на Кејти Пери и Џастин: „Бев во ред со Орландо Блум, но Трудо – Ајде, човече“
Британскиот комичар и актер Расел Бренд се осврна на романтичната врска меѓу неговата поранешна сопруга Кејти Пери и поранешниот канадски премиер Џастин Трудо за време на јавен настап во Соединетите Американски Држави, пренесува „Пипл“.
Препорачано
-
1
-
2
-
3
Имено, Бренд на настанот „Turning Point USA“ во Феникс им се обратил на присутните и ја споменал пејачката Кејти Пери, со која беше во брак, како и канадскиот политичар.
„Бев во брак со Кејти Пери. Сè уште ја сакам и мило ми е што нејзината мајка е тука и што ме слуша додека го зборувам ова, но гледате … Бев во ред со Орландо Блум, но Џастин Трудо? Ајде, човече! Не ме ставајте во ист кош со тој тип! Со тој глобалистички фраер“, изјави Бренд.
Инаку, Пери и Бренд беа во брак од 2010 до 2012 година откако Бренд поднесе барање за развод.
Кејти Пери и Орландо Блум се запознаа на забава по доделувањето на Златните глобуси во 2016 година, а се верија во 2019 година. Во јуни 2025 година, парот ја раскина веридбата по девет години врска. Тие се родители на ќерката Дејзи Дав Блум, која се роди во август 2020 година.
Заедно од летото
Гласините за романса меѓу Кејти Пери и Џастин Трудо се појавија во јули, откако беа забележани како вечераат заедно во ресторан во Монтреал, Канада. Кон крајот на октомври јавно ја потврдија својата романса.
