Кина штотуку донесе одлука да го запре увозот на замрзнато месо и месни производи. По итниот состанок на надлежните служби, ваквата одлука е донесена поради новите случаи позитивни на Ковид – 19. Минатата недела беше затворен најголемиот пазар во главниот град на Кина на кој се продава месо, риба и овошје и зеленчук.

Неколку десетици лица заболеле од корона во меѓувреме, а властите во Пекинг одлучиле производите изложени на пазарот да бидат уништени.

Ву Зунио, главниот епидемиолог на кинескиот Центар за превенција и контрола на болести, изјавил дека вирусот може да преживее на површината од замрзнатата храна и до три месеци.

Како што се наведува во соопштението на кинеските власти, цариниците 100 процентно ќе ги контролираат сите пратки, а тоа значи и дека веќе договорените контингенти за увоз/извоз на месо се ставаат во мирување.