Принцот Вилијам пронашол ново хоби, и тоа неговата сопруга Кејт Мидлтон го обожава.За време на посетата на Северен Велс оваа недела, 43-годишниот принц од Велс откри дека и самиот се обидел со пливање во ладна вода, активност за која претходно мислел дека е „лудост“, пренесува „Пипл“.

„Потоа се чувствуваш одлично. Го обожавам тоа. Многу викам и врескам кога ќе влезам“, изјави принцот Вилијам во разговор со пливачките Криси Болтон, Џорџија Даниелс и Миж Овен Смит од локалната група за пливање во ладна вода „Colwyn Bay Blue Tits“. Принцот откри дека веќе неколку пати нурнал во ладните води на Шкотска и дека искуството му се допаднало.

„Го сакам спортот. Навистина, генерално ги сакам сите спортови. Сакам да пливам. Пливање во ладна вода“, изјави тогаш принцезата Кејт.

Принцот Вилијам додаде:

„Колку е поладно, толку подобро“, а Кејт низ смеа се согласи: „Апсолутно го обожувам тоа. Понекогаш дури до таа мера што Вилијам ми вели: Кејт, луда си“.