Принцот Вилијам и Кејт Мидлтон плаќаат неверојатни 411.435 долари годишно за изнајмување на „Форест Лоџ“ во Виндзор, каде што се преселија со своите деца во октомври откако потпишаа 20-годишен договор, пишуваат странските медиуми.

Документите поднесени на 14 мај, цитирани од „Тајмс“, ги наведуваат принцот и принцезата од Велс како закупувачи на нивниот нов семеен дом. Станува збор за вила со осум спални соби во џорџијанскиот стил на имотот Виндзор, а договорот ја опфаќа главната куќа и две дополнителни куќи што ги користат персоналот.

Според истиот извештај, претходниот закупец бил Александар Фицгибонс, претседател на компанијата за управување со настани „Фејт Аккомпли“, која Вилијам и Кејт, како и принцот Хари и Меган Маркл, ја ангажирале за своите свадби.

Се вели дека тој плаќал 289.316 долари годишно за истиот имот, околу 120.000 долари помалку отколку што сега плаќаат идниот крал и кралица.

„Тајмс“ наведува дека зголемувањето на цените за изнајмување е поврзано со промените на пазарот на недвижности. Тие потпишаа 20-годишен договор за закуп во јули 2025 година, а откако се вселија, спроведоа и значајни безбедносни мерки, вклучително и садење нови дрвја и жива ограда и поставување огради за заштита на имотот од јавен поглед.

ФОТО | Петнаесет години по свадбата што ја гледаше целиот свет, Вилијам и Кејт денеска ја обележаа годишнината со прекрасна фотографија