Кога пратеничката Јелена Милошевиќ од Странката на слободата и правдата (ССП) побарала од претседателката на Народното собрание на Србија, Ана Брнабиќ, да ја заштити опозицијата од недолично однесување на радикалите, споменувајќи дека тие во минатото дури и ги полевале со вода пратениците, Брнабиќ се насмеала и побарала од опозицијата во иднина слободно да ја полева со вода, објави „Данас“.

ВИДЕО: Димни бомби и хаос во српското Собрание

„Никој ме нема полевано со вода, полесно ќе ми беше, отколку да ме гаѓате со бомба, да ме прскате со противпожарни апарати, со солзавци и со секакви други работи, со јајца. Слободно, следниот пат полевајте ме со вода, луѓе. На крајот на краиштата, тоа е помалку опасно и не смрди. Тие јајца не ги исправ до ден-денес, сè уште ги чувствувам. Така што, ве молам, следниот пат кога не ви се допаѓам, полевајте ме со вода, само не со бомби, солзавци, јајца, со конзерви. Важи? Супер, договорени сме и за тоа. Не можете да ветите? Добро. Јас сум целосно подготвена, имам шлем, имам сè“, изјавила Брнабиќ, која е и членка на најтесното раководство на СНС, партијата на претседателот на Србија, Александар Вучиќ.

Во Собранието денеска се расправа за кандидатите за Советот на Регулаторното тело за електронски медиуми.

Пленковиќ: Србија e на работ на граѓанска војна