Денеска во пријателски натпревар екипата на Динамо Загреб со убедлив резултат 4:1 успеа да го совлада Интер Запрешиќ.

Во водство прв дојде составот на Интер Запрешиќ со погодокот на Мамут реализиран во 10 минута од средбата.

„Модрите“ на својот стадион „Максимир“ направија целосен пресврт во понатамошниот дел од мечот, израмнија преку Гојак (17`).

Во 36 минута после еден изведен корнер највисоко скокна македонскиот репрезентативец Аријан Адеми кој убаво со глава ја смести топката во противничката мрежа. На тој начин нашиот интернационалец со погодок го слави 29 роденден.

Останатите два гола беа постигнати во второто полувреме, во 49 минута стрелаше Кадзиор, а во 65 Оршиќ.