Ракометниот клуб Голден Арт КЛ7 ја информира целокупната спортска јавност и надлежните институции дека по натпреварот од второто коло на македонската суперлига во ракомет, кој се одигра во Радовиш против истоимениот тим, кај дел играчите се појавија симптоми карактеристични за вирусот Ковид19 (покачена температура, губење на вкус и мирис).

Па поради тоа Голден Арт КЛ7 како институција која е максимално одговорна спрема своите играчи и вработени веднаш изврши Ковид тестирање во Клиника Жан Митрев (преку брис од нос и грло) на комплетниот играчки кадар, стручниот штаб и комплетната логистика на клубот, по кое се откриени 16 Ковид позитивни резултати.

Според прописите за третман на лица кои се Ковид19 позитивни и лицата кои имале контакт со нив, комплетниот играчки кадар ќе биде ставени во изолација во следните 15 денови.

Клубот воедно потсетува дека пред стартот на подготвоките на тимот пред оваа натпреварувачка сезона, Голден Арт КЛ7 беше еден од ретките клубови кои направи комплетно теститрање на играчкиот погон во првиот тим и младинските категории, како и на комплетниот стручен штаб и клубската логистика, при што навремено беа откриени два случаи позитивни на Ковид вирусот, истите беа изолирани и излечени.