Пожарот во магацин со муниција во Северен Кипар ставен под контрола

Експлозија / Фото: Архива

Пожарот предизвикан од експлозија во магацин за муниција во Северен Кипар е под контрола, соопшти денеска турското Министерство за одбрана.

Во соопштението се наведува дека експлозијата се случила во магацин за муниција под команда на турската војска во близина на пристанишниот град Кирена, околу еден час по полноќ и дека нема потешко повредени.

Покрената е истрага за да се утврди точната причина за експлозијата, се додава во соопштението.

Министерот за надворешни работи на Северен Кипар, Кудрет Озерсај на Фејсбук напиша дека неколку лица се здобиле со исеченици од скршените прозори.

Локалните медиуми јавија дека некои туристи кои престојуваат во хотелот „Акапулко” се згрижени поради мали повреди.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот