Повеќе не живеат во Лос Анџелес – Меган и Хари повторно се преселија во нова вила до уште попознати соседи
По животот во Ванкувер и Лос Анџелес, Меган Маркл и принцот Хари одлучија со синот Арчи да се преселат во Санта Барбара, пишува магазинот „People“.
Како што наведува споменатиот магазин, Меган и Хари ја купиле својата нова вила во овој живописен приморски град, кој лежи на околу 100 милји северно од Лос Анџелес.
– Војводата и војвотката од Сасекс се вселија во својата нова семејна куќа во јули оваа година, изјави претставничката на брачниот пар за магазинот „People“.
– Од моментот на пристигнувањето имаат целосна приватност и се надеваат дека тоа ќе биде испочитувано и за нивните соседи, како и за нив како семејство, додаде таа.
Како што се наведува, сега откако се преселија, Меган и Хари се многу поблиску до својата пријателка, славната водителка Опра Винфри, која поседува неколку вили во ова подрачје.
Една од сосетките ќе им биде и мегапопуларната водителка Елен Деџенерис.
Меган и Хари тврдат дека ги почитуваат сите мерки кои се пропишани поради пандемијата на коронавирусот.
– Како и сите, и тие одржуваат дистанца, внимателни се и многу се чуваат, додава изворот за наведениот магазин.