Веста за смртта на сопругата на славниот актер Џон Траволта, 57-годишната Кели Престон ја шокираше светската јавност, бидејќи многумина не знаеле за болеста со која таа се бори две години.

Како што откри Џон Траволта, за битката знаело само најтесното семејство и најблиските пријатели.

Почина сопругата на Џон Траволта: Кели Престон ја изгуби битката со ракот

Последната објава на Кели Престон на Инстаграм му е посветена на Џон Траволта и носи солзи на очите, токму како и онаа за нивната последна годишнина од бракот која ја прославија во септември минатата година.

Тие две години, но и долги години претходно, Кели ги проживеа во среќен брак со Џон и нивните деца, а нејзината љубов кон нив често знаеше да ја сподели на социјалните мрежи.

„Среќен Ден на татковците на најдобриот татко кој го познавам, те сакаме“, напиша Кели на фотографијата на која таа насмевната позира со Џон, 20-годишната ќерка Ела и 9-годишниот син Бенџамин, а покрај неа објави и фотографија со синот Џет, кој почина во 2009 година на Бахамите откако по еден напад тој падна и ја удри гравата во када. Имено, Џеј бил аутистичен и често имал напади.

Колку го сакаше Џон и колку беше заљубена во него и по 29 години брак, сведочи и објавата која му ја посвети минатата година, на годишницата од бракот.

„На мојот најдраг Џон, најпрекрасниот маж кој го познавам. Ми даде надеж кога без изгубена, трепеливо и безусловно ме сакаше. Успеа да ме насмее повеќе од било кој човек во светот. Ти си татко од соништата и го правиш мојот живот толку забавен. Верувам во мојата љубов кон тебе. Знам дека со тебе ќе бидам добро, што и да се случи. Те сакам засекогаш и целосно. Среќна 28-годишнина од бракот“, напиша Кели.