Актерот одлучно ги негираше наводите на таблоидот…

Поранешните партнерки на акеторт Џони Деп, Ванеса Парадис и Винона Рајдер нема да бидат повикани да сведочат во постапката која Џони Деп ја покрена против „News Group Newspapers“ поради наводите на нивниот таблоид „The Sun“ дека извршил насилство над поранешната сопруга Амбер Хард, објави Ројтерс.

Во својата пишана изјава американската актерка Винона Рајдер напиша дека Деп никогаш не бил насилен и груп спрема неа, а француската пејачка Ванеса Парадис изјави дека Деп е нежен, внимателен, дарежлив и ненасилен човек и татко.

Поранешните партнерки на Деп, Винона и Ванеса требаше да сведочат пред врховниот суд, но застапникот на актерот, Дејвид Шерборн, вчера соопшти дека од тоа повеќе нема потреба со оглед на тоа што таблоидот „The Sun“ по пишаните изјави на Рајдер и Парадис не ги оспорува тврдењата на Деп дека никогаш не ги нападнал физички.

Деп одлучно ги негираше наводите на таблоидот кои во текстот објавен во 2018 година го означија како злоставувач на сопругите и поднесе тужба против „The Sun“.

Хард би требало да сведочи на судењето и во текот на процесот на судот да му ја претстави својата верзија од случувањата.