Поранешниот грчки министер за финансии Јанис Варуфакис откри на поткаст дека во минатото еднаш зел екстази и танцувал 16 часа, објави „Грик рипортер“.

Зборувајќи отворено и со рефлексивен тон, тој истакна и пошироки грижи поврзани со зависноста, општествените ставови и со улогата на личната одговорност.

Јанис Варуфакис раскажува за своето искуство со МДМА

Поранешниот министер за финансии на Грција опиша дека во помладите години пробал рекреативни дроги, а имал и еднократно искуство со екстази, таблети кои ги содржат стимулансите МДМА и амфетамин, кое го опиша како впечатливо, но на крајот непријатно поради долготрајните физички несакани ефекти.

Медицинскиот канабис ќе се користи како лек во болниците во Шпанија

Тој додаде дека во одредени периоди повеќе му одговарал канабисот, опишувајќи го како релативно блага супстанца. Иако изјавите беа дадени со доза хумор и самосвест, Варуфакис внимателно ги врамки како дел од поширок коментар за начинот на кој општествата се однесуваат кон темата на употреба на дроги.

Поранешниот министер јасно нагласи дека неговото минато однесување не претставува застапување или промоција, туку искрен разговор за експериментирањето и последиците.

„Добро е да си љубопитен, ама може да се навлечеш“

Поранешниот министер се осврна и на прашањето за младите и за нивната склоност кон експериментирање со супстанции. Според него, љубопитноста и тестирањето на границите се чести аспекти на младинската култура, но вистинската загриженост започнува таму каде што се јавува зависноста. Тој смета дека токму зависноста, а не самото експериментирање, го прави рекреативното однесување деструктивно.

Депресијата ќе се третира со состојка од „магичните печурки“, се олеснуваат и правилата за канабис: Чешка отвора ново поглавје во здравството

Варуфакис додаде и дека генерациските односи го усложнуваат прашањето, посочувајќи дека строгите забрани од страна на родители или на авторитети честопати имаат спротивен ефект од посакуваниот.

Неговите изјави упатуваат на потреба од отворен дијалог, наместо морализирање или негирање.

„Тие искуства го поплочија патот кон моите ставови“

Водителите на поткастот поставиле и хипотетички прашања за тоа како различни јавни личности би се однесувале во неформални социјални ситуации поврзани со канабис. Варуфакис одговорил со хумор, користејќи ја ситуацијата како можност да коментира за личноста, автентичноста и за јавната перцепција на политичките лидери.

Тој укажал дека културните ставови кон рекреативните супстанци значително се разликуваат меѓу регионите и политичките средини. Во голем дел од Европа, дебатата за политиките за дроги сè повеќе се насочува кон јавното здравје и кон регулацијата, наместо исклучиво кон кривичното санкционирање.

На крајот, Варуфакис призна дека, како и повеќето луѓе, има моменти од животот на кои гледа со одредено жалење. Сепак, тие искуства ги претстави како дел од поширок личен пат што помогнал да се обликуваат неговите ставови, кариера и идентитет.

Неговата подготвеност отворено да зборува за тема, која сè уште се смета за табу во многу политички кругови, укажува на поширока промена кон поголема транспарентност во јавниот живот.

Судот во Минхен пресече: Зелено светло за „дување“ во парковите