Полјаците не сакаат да играат со Русија во баражот за СП во Катар
Претседателот на Фудбалската федерација на Полска, Цезар Кулеша на својот профил на Твитер напиша дека полските репрезентативци немаат намера да играат против Русија во бараж натпреварот за пласман на Светското првенство во Катар кое ќе се одржи во ноември и декеври годинава.
– Време е од зборови да преминеме на дела. Поради руската воена агресија на Украина, фудбалската репрезентација на Полска нема намера да игра во бараж натпреварот за СП против Русија. Тое е единствената исправна одлука. Разговараме со селекциите на Шведска и на Чешка за пред ФИФА да излеземе со заеднички став – напиша Кулеша.
Koniec ze słowami, czas na czyny! W związku z eskalacją agresji Federacji Rosyjskiej na Ukrainę, reprezentacja Polski nie zamierza rozegrać barażowego meczu z rep. Rosji. To jedyna słuszna decyzja. Prowadzimy rozmowy z federacjami 🇸🇪 i 🇨🇿, aby przedstawić FIFA wspólne stanowisko.
— Cezary Kulesza (@Czarek_Kulesza) February 26, 2022
Првиот човек на полскиот фудбал веднаш доби поддршка од најголемата ѕвезда и најдобар полски играч, Роберт Левандовски.
– Ова е исправна одлука. Не можам да замислам да играм натпревар против селекцијата на Русија во ситуација кога таа земја врши инвазија на Украина. Руските фудбалери и навивачи не се одговорни за тоа што се случува, но не можеме да мислиме дека се е во ред – порача Левандовски.
It is the right decision! I can’t imagine playing a match with the Russian National Team in a situation when armed aggression in Ukraine continues. Russian footballers and fans are not responsible for this, but we can’t pretend that nothing is happening. https://t.co/rfnfbXzdjF
— Robert Lewandowski (@lewy_official) February 26, 2022
Полската фудбалска федерација побара од ФИФА јавно да го каже својот став по руската воена инвазија на Украина, а откако изостана одговор, те самите одлучија дека нема да играат дури и по цена да бидат елиминирани од баражот.
Селекцијата на Полска во полуфиналето од баражот за пласман на СП во Катар, на 24 март треба да игра во Москва против Русија, а победникот од овој натревар во финалето би играл со подобриот од дуелот помеѓу Шведска и Чешка.
