Вчера попладне, поголем број лица нападнале полицицајци во ромската населба кај Злокуќани, кога полицајците дошле да постапат откако 53-годишен човек пријавил дека бил физички нападнат, соопшти полицијата.

Двајца полицајци се повредени, а три службени возила се оштетени во инцидентот.

„На 22.09.2021 околу 17.15 часот на ул.„Скупи” во Скопје, полициски службеници од Полициската станица Карпош биле попречувани од повеќе лица при извршување службени дејствија по претходна пријава од М.М.(53) од Скопје дека дел од овие лица физички го нападнале. Тие фрлале со тврди предмети кон полициските службеници, при што повредиле двајца од нив, а оштетиле и три службени возила. Во врска со настанот биле приведени три лица, а се преземаат дополнителни мерки за расчистување на случајот“, се вели во полицискиот билтен.