Возачот на „Ред Бул“, Макс Ферстапен ја освои пол позицијата пред трката за Големата награда на Австралија во Формула 1 шампионатот.

Двократниот актуелен шампион беше најбрз во квалификациите во Мелбурн на патеката „Алберт парк“ со време од 1:16.732 мин.

Веднаш зад Холанѓанецот се двајцата возачи на „Мерцедес“, второпласираниот Џорџ Расел и Луис Хамилтон на третата позиција.

Од четвртото место ќе стартува Фернандо Алонсо („Астон Мартин“), додека петти е членот на „Ферари“, Карлос Саинц.

Вториот возач на „Ред Бул“, Серхио Перез доживеа голем пех кој во првиот круг од првата квалификациска сесија излета од патеката и повеќе не се врати, па утрешната трка ќе ја започне од последното место.

Трката за ГН Авсреалија е в недела со почеток од 07.00 часот по македонско време.