Регионот го потресе веста за смртта на познатиот хрватски пејач Масимо Савиќ. Како што напишаа неговата ќерка и сопруга на социјалните мрежи, легендарниот музичар боледувал од рак на белите дробови, а неговата борба со болеста била кратка.

Масимо е погребан денеска во 11 часот на градските гробишта Задар. Семејството ја исполни неговата последна желба, да биде кремиран. Мирна и Ени Савиќ, ќерката и сопругата, како и членовите на семејството и пријателите, го придружуваа извонредниот уметник до неговиот вечен дом, а пристигнаа и бројни букети цвеќе и венци со проштални пораки.

Меѓу првите што пристигнаа на гробиштата беа Рада Бориќ и Марина Томашевиќ, а потоа Џулијано, Џибони и семејството Хуљиќ.

Сите тие се запишаа во книгата на жалост.

Да потсетиме, Масимо почина на 23 декември, а веста за неговата смрт на социјалните мрежи ја објавија неговата сопруга Ени и ќерката Мирна.

„По кратка, но херојска борба не напушти нашиот татко, сопруг, гордост и љубов, Масимо Савиќ. Иако го напушти овој свет, засекогаш ќе живее во нашите души, насмеан, топол, силен, полн со љубов и исткаен од уметност. Секогаш ќе бидеме твои девојки. Ани и Мирна“, напишаа во објавата.

ВИДЕО | Музика и солзи: Комеморација за Масимо Савиќ во Загреб

ВИДЕО | „Искрено ме засака“: Вака Масимо Савиќ зборуваше за својата Ени, жената со која се сакаа три децении

АУДИО | Објавена последната порака на Масимо Савиќ со која сакал да ни го честита Божиќ