ВИДЕО | „Искрено ме засака“: Вака Масимо Савиќ зборуваше за својата Ени, жената со која се сакаа три децении
Хрватската музичка легенда Масимо Савиќ, кој вчера почина на 60-годишна возраст, беше во брак со сопругата Ени Кондиќ повеќе од 30 години. Пејачот секогаш отворено зборуваше за љубовта кон неа и ја користеше секоја прилика да потенцира дека таа му е најголема поддршка во животот. Ена е авторка на голем број негови песни, а со неа ја доби и ќерката Мирна Савиќ.
На почетокот од годинава, Масимо Савиќ гостуваше во емисијата „Шта сам теби и ко сам себи“ („Што сум ти на тебе и кој сум на самиот себе“) на српската телевизија К1. Во разговорот со водителот Иван Станковиќ, тој, меѓу другото, зборуваше и за својата Ени.
„Фала му на Господ што во мојот живот влезе мојата сопруга, која е од семејство на интелектуалци, а јас бев од дисфункционално семејство. Таа е од едно мирно, драго семејство – вистински интелектуалци. Таа имаше многу големо трпение за една будала како мене. Искрено ме засака и се сакаме и ден-денес, а се сакаме сѐ повеќе и сѐ повеќе. Како во песната ‘Индија’. Таа самата напиша во ‘Индија’: ‘…и кога ќе бидеш стара, ти ќе ми бидеш иста – моја’. Јас не го гледам скафандерот кој се менува на неа. Јас само ја гледам личноста која е во неа, во тој скафандер кој ние го нарекуваме кожа и структура“, раскажа пејачот.
View this post on Instagram
„Ние живееме како студенти. Ние гледаме филм до три, четири часот наутро, па потоа разговараме, чекаме да се раздени. Како балавандери. Нашата ќерка е многу посериозна личност од нас и знаеме многу да ја налутиме и изнервираме. Таа не живее со нас, но токму затоа и не живее со нас, бидејќи ние сме малку побоемски ориентирани“, додаде Масимо.
„Се плашам“: Масимо Савиќ стравувал од смртта ѝ имал долг од 20.000 евра