Актерот Мет Кларк, познат по улогата во филмот „Враќање во иднината 3“, почина на 89-годишна возраст. Според „ТМЗ“ Кларк починал во својот дом во Остин, Тексас, по компликации предизвикани од операција на ’рбетот.

Неговото семејство истакна дека бил „актер меѓу актерите“ кој не се стремел кон славни улоги, туку повеќе го ценел работењето со добри луѓе. Додале дека „замина онака како што живееше, по свои правила“.

Кларк ќе биде запаметен по улогата на Честер, шанкерот, во третиот дел од серијалот „Враќање во иднината“, во кој глумат Мајкл Џ. Фокс и Кристофер Лојд. Неговата последна поголема филмска улога беше во филмот „Милион начини да се умре на Запад“ (2014).

Зад себе ја остави сопругата Шерон Мејс, со која се ожени во 2000 година, како и петте деца. Неговата снаа е исто така актерка, Кимберли Бектофер Лојд.

Во долгогодишната кариера, Кларк оствари бројни улоги, најчесто во вестерн филмови. Кариерата ја започна во 60-тите.