По три брака, атрактивната холивудска актерка има нова љубов
Веќе неколку месеци американските медиуми се обидуваат да дојдат до информации за новиот партнер на атрактивната холивудска актерка и поранешна Бонд девојка Хали Бери, а сега во потрагата им помогна таа сама, како и нејзиниот нов партнер, музичарот Ван Хант.
Уште од месец јули една од најубавите холивудски актерки провоцира со загонетки на својот Инстаграм профил, а вчера на истиот профи таа објави своја фотографија на која позира во маичка на која пишува Ван Хант, заедно со низа емотикони од срциња и напиша „Сега знаете се“.
За време на летото таа провоцираше со неколку фотографии на Инстаграм, на првата на 19 јули напиша „Недела е ден за забава“ а покрај неа го сокри машкиот лик, а на втората на 16 август од креветот порача „Будење во Вегас!“ исто покрај машки партнер со кој ги вкрсти стаплата, а тој не можеше да се види целосно на сликата.
Потоа, фотографија на која Хали нежно го бакнува во образ објави и 50-годишниот добитник на Греми наградата Ван Хант, пејач и текстописец кој издаде пет албуми, но и онаа на која актерката позира во маица со неговото име.
Хали Бери зад себе има три брака од кои има две деца.