Аргентинскиот тенисер Хуан Мартин дел Потро се враќа на терените по пауза од две ипол години.
Дел Потро ќе настапи на турнирите во Буено Аирес и Рио де Жанеиро, потврдија организаторите на овие два турнири.

Аргентинецот доби специјална покана за турнирот во Буенос Аирес кој е од серијата 250 и ќе се игра од 7 до 13 февруари. Турнирот во Бразил е од серијата АТП 500 и на програмата е од 14 до 20 февруари.

Дел Потро последниот меч го одигра во јуни 2019 година на турнирот во Квинс, Лондон,  а оттогаш имаше големи проблеми со коленото кое го оперираше дури четири пати.
Аргентинецот моментно се наоѓа на 757 место на АТП ранг-листата, а во кариерата има освоено 22 титули, од кои најважна е таа од УС Опен 2009 година, и е еден од најпопуларните тенисери.