Се одиграа преостанатите три натпревари од деветтото коло во Првата македонска фудбалска лига, Шкендија со пресврт на гостувањето кај Победа со 1:3.

Прилепчани поведоа во 12 минута со голот на Србинот Ѓурковиќ, но и покрај ваквата негатива играчите на Артим Шаќири направија целосен пресврт. Најпрвин непосредно пред паузата израмни Дориев во 45 минута, па за 1:2 се погрижи косовскиот интернационалец Шала (53`).

Конечниот епилог го постави Дориев со својот втор гол на мечот (90+2`) за четврта победа сезонава за тетовските „црвено-црни“.

Мируваа мрежите на дуелот Шкупи – Силекс (0:0) а Тиквеш со погодоците на Темелков (25`) и Мишов (82`) беше подобар од Скопје.

На табелата води Струга Трим Лум со 25 бодови, пред Силекс и Шкендија кои имаат по 15, а на четвртата позиција е Тиквеш со 13.

ВИДЕО | Илиевски одлично започна во Работнички: Три бода за „дебармаалци“ во Штип