ВИДЕО | Илиевски одлично започна во Работнички: Три бода за „дебармаалци“ во Штип
Во вториот натпревар од денешната програма во македонската Прва Лига Работнички кој во изманиот период имаше промени во стручниот штаб од Штип се враќа со три бода.
За новиот стратег Милан Илиевски ова беше прв натпревар на клупата. Колото ќе потсетиме беше отворено со ремито на Македонија Ѓорче Петров и Струга Трим Лум.
На гости кај Брегалница, „дебарамаалци“ славеа победа со 1:3. Натпреварот беше отворен после 26. минута кога мрежата на домаќинот oд пенал ја погоди Велкоски. Тоа беше и единствениот гол во првото полувреме.
Брегалница не се предаваше, а со таква игра во 63. минута стигнаа до изедначување со голот на Гокиќ, треба да се спомене дека само четири минути претходно Алтипармаковски не реализираше пенал.
Меѓутоа не требаше многу за Работнички да ја врати предноста, тоа се случи на 15-тина минути до крајот преку Рушевиќ. Конечните 1:3 ги постави во 89 минута Велкоски со својот втор гол.
За Работнички ова беше прва победа после ремито и поразот во претходните две кола со што ја прескокна Македонија Ѓорче Петров на табелата и со 10 бода сега се на седмата позиција.