Известувачот на Европскиот парламент за Србија, хрватскиот европратеник Тонино Пицула, денеска оцени дека Владата во Србија вршела злоупотреби, насилство и притисок врз граѓаните, активистите и новинарите за време на локалните избори одржани вчера, објавија српските медиуми.

Пицула во објава на „Икс“ вели дека во демократијата нема неважни избори и важно е ниту едни избори да не бидат компромитирани од злоупотреби, насилство и притисок врз граѓаните, активистите и новинарите.

„Сето ова, по којзнае кој пат, повторно го практикуваше Владата на локалните избори одржани во Србија“, напиша тој.

Државната секретарка во Министерството за надворешни работи на Србија, Невена Јовановиќ, го обвини известувачот на Европскиот парламент дека се однесува исплашено и политички мотивирано и оцени дека тоа е во директна спротивност со неговиот мандат, кој, рече таа, треба да вклучува висок степен на објективност, непристрасност и професионална дистанца.

Порано денеска, на изборите во Србија реагираше генералниот секретар на Европската демократска партија и пратеник во Европскиот парламент, Сандро Гоци, кој ја повика Европската комисија да реагира на насилството и заплашувањето за време на локалните избори во Србија.

U demokraciji nema nevažnih izbora, ali je važno da ne budu kompromitirani zloupotrebama, nasiljem i pritiskom na građane, aktiviste i novinare.
Sve je to, po tko zna koji put, opet prakticirala vlast na jučer održanim lokalnim izborima u Srbiji.

— Tonino Picula (@TPicula) March 30, 2026

Тензичен изборен ден во Србија, забележени бројни инциденти, тепачки и нерегуларности

ВИДЕО | Маскирани луѓе тепаа новинари и студенти, полицијата апсеше мирни граѓани: Изборите во Србија не поминаа баш во демократска атмосфера