Петровиќ: Трофејот им го посветувам на Драган Василов Цевка, Анте Дуковски и Маки Лазовски

МЗТ Скопје Аеродром запиша нови бодови во домашното првенство/фото: kfsm.mk

Екипата на МЗТ Скопје Аеродром сезоната ја почна со трофеј, откако во вечерашниот Суперкуп „Драган Василов-Цевка“ надмоќно го совладаа ТФТ (100:82) со што го одбранија пехарот освоен лани на истото место во СРЦ „Кале“.

– Ова не е изненадување за мене, заслужено победивме бидејќи имавме контрола над резултатот во текот на целиот натпревар. Нормално, се игра за трофеј. Секој трофеј е важен. Очекував ваков натпревар и од моите играчи и од страна на ТФТ. И многу ми е драго што трофејот го носи името на мојот другар Драган Василов Цевка. Сакам да им го посветам овој освоен трофеј на Драган Василов Цевка, Анте Дуковски и на Маки Лазовски кои нè напуштија прерано – рече Александар Петровиќ, тренерот на МЗТ Скопје Аеродром по мечот.

Овој меч, воедно, беше и како подготовка за стартот на сезоната во АБА-лигата, каде што веќе в сабота македонскиот шампион ќе му гостува на актуелниот победник во ова натпреварување, белградска Црвена звезда.

Боро Смилковски, тренерот на ТФТ, вели дека неговата екипа не била на нивото на меч кој носи трофеј:

– Пред сè, мислам дека епитетот на Суперкуп натпревар за пехар единствено го оправда амбиентот што го имавме вечерва, сигурно не го оправдавме ние како екипа. Успеавме да ги елиминираме грешките и да најдеме карактер во второто полувреме. Сепак, беше преголем залак после едно такво лошо полувреме, да победиме. Што поради наши грешки, што поради судиски, пресудија за исходот. Честитки до МЗТ Скопје Аеродром за освоениот пехар во Суперкупот – рече Смилковски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот