Мани Пакјао (41) го потврди боксерскиот меч со Конор Мекгрегор откако Ирецот синоќа на „Твитер“ објави дека Филипинецот ќе му биде наредниот противник.

Пакјао, кој моментно е еден од 24 сенатори во Филипини, преку својата канцеларија објави дека борбата ќе се одржи следната година на Блискиот исток.

– Во име на сите филипински жртви на ковид-19, сенаторот Мани Пакјао следната година ќе се бори против суперѕвездата на УФЦ, Конор Мекгрегор – рече помошникот на Пакјао, Џејк Џосон, кој додаде дека двете страни разговараат.

Anyway all water under the bridge who gives a fook.
I’m boxing Manny Pacquiao next in the Middle East.

— Conor McGregor (@TheNotoriousMMA) September 25, 2020

Мекгрегор кој подобро го знае јавноста од борбите во УФЦ, истакна дека за него ќе биде вистинска чест да се бори со еден од најголемите боксери во модерната ера.

И пред три години Мекгрегор беше дел од боксерскиот ринг во борба против Флојд Мејведер и загуби, но и двајцата заработија огромни приходи од шоуто во Лас Вегас.

Пакјао последен пат боксуваше во јули минатата година кога го победи Кит Турман во Лас Вегас, додека на почетокот од оваа година, 32-годишниот Мекгрегор триумфираше против Доналд Сероне на „УФЦ 246“ и објави дека ја завршува својата кариера.