Шумскиот пожар, кој избувна вчера попладне кај селото Бајково, на планината Огражден, во Општина Ново Село, повторно се активираше откако претпладне беше објавено дека е ставен под контрола.

Директорот на Дирекцијата за заштита и спасување (ДСЗ), Стојанче Ангелов информираше дека заради реактивирање на пожарот над село Бајково три ер трактори полетале кон местото на пожарот.

Во гаснењето, покрај ер тракторите, учествуваат и екипи на ТППЕ Струмица, ЈП „Македонски шуми“ ДПД „Рис-Оперативци“ од Ново Село, Шумска полиција и повеќе доброволци.

Вчера пожарот, кој зафати ниска вегетација и мешана шума, се прошири и се закануваше да ја зафати тамошната црква, но со крајни напаори тој беше локализиран и црквата беше спасена.

Според Центарот за управување со кризи (ЦУК) денеска се регистрирани вкупно три пожари на отворен простор, од кои активен е оној на Огражден, друг е под контрола, а третиот е целосно изгаснат.

Со смарт камери ќе се откриваат пожари на критичните локации