Механичар од Владимирската област во Русија освоил повеќе од 600.000 евра на лотарија откако, како што вели, бил инспириран од „знак“ – голем пајак што го видел во својата бања, открила компанијата „Столото“, најголемиот дистрибутер на руски државни лотарии.

Според правилата на играта, премијата се доделува ако играчот ги погоди сите 12 броја или не погоди ниту еден, што бил случајот со добитниот билет, пренесува „РИА новости“.

Како што е наведено, механичарот сонувал дека добил награда ноќта пред извлекувањето, а следниот ден забележал голем пајак, кој се смета за симбол на пари во народното верување.

Тој донел одлука да купи повеќе лото ливчиња истиот ден, и токму последниот купено лото ливче му ја донело добивката.