Познатата телевизиска водителка Опра Винфри се наврати на своето историско интервју со принцот Хари и Меган Маркл од 2021 година, откривајќи детали од зад сцената и за моментот што за кратко време стана глобален вирален хит на интернет. Во новото видео за „Ванити Фер“, Опра се присети на разговорите кои траеле три и пол часа во нејзиниот дом во Монтесито, Калифорнија, непосредно откако војводата и војвотката од Сасекс се повлекоа од кралските должности и се преселија во САД.

„Дали бевте тивки или ве замолчеа?“

Најкоментираниот и најсподелуван момент од целото интервју беше прашањето кое Опра ѝ го постави на Меган во врска со нејзиниот престој во кралското семејство.

Кога војвотката истакна дека секогаш се залагала за женските права и гласно зборувала, но дека во тој период „била тивка“, Опра експресно и со препознатлива гестикулација пресече: „Дали бевте тивки или ве натераа да молчите?“, на што Меган кратко одговори: „Ова второто“.

Во новото видео, Опра со насмевка ја имитираше рачната гестикулација што ја направи тогаш и призна:

„Не знам од каде ми дојде тоа. Мислам дека оттогаш го немам направено повторно“.

Таа објасни зошто инсистирала на прецизност во тој миг:

„Сакав да биде кристално јасно. Дали луѓе ѝ велеле да не зборува? Го кажав тоа исклучиво за прецизност, бидејќи не сакав подоцна некој да тврди поинаку. Сакав да расчистиме дали навистина не ѝ дозволувале да зборува“.

Бомбастични признанија кои ја потресоа јавноста

Интервјуто од 2021 година остана запаметено по неколку клучни моменти кои предизвикаа лавина реакции во светот како кралски расизам, обезбедувањето и вистината за Кејт Мидлтон.

Семејни придвижувања пет години подоцна

Иако интервјуто фрли светлина врз длабокиот јаз меѓу принцот Хари и принцот Вилијам, јаз кој според блиски извори и понатаму останува целосно непроменет и без контакт меѓу браќата, во последно време има позитивни чекори во однос на кралот Чарлс.

Неодамнешната посета на Хари и Меган на Велика Британија донесе долгоочекувана средба меѓу кралот Чарлс и неговите внуци, принцот Арчи и принцезата Лилибет, по четири години пауза, што отвора надеж за подобрување на семејните односи.

„Фамозното“ интервју на Опра со принцот Хари и Меган номинирано за „Еми“

Полусестрата на Меган Маркл ја тужи за интервјуто со Опра: Го излажа светот со своите измислици