Американскиот милионер Брајан Џонсон, познат по тоа што вложува милиони долари во обиди да го забави стареењето, повторно го привлече вниманието на јавноста. Тој тврди дека создал своја „бебе-верзија“ во лабораторија, но нагласува дека не станува збор за вистинско клонирање на човек, туку за научен експеримент со сопствени клетки, пишува „Интернешенал бизнис тајмс“.

I just cloned myself…as a newborn

With this clone, I can:

+ become my own blood boy
+ test therapies on the clone
+ grow organs for transplantation
+ develop new treatments
+ inject young cells

This baby-bryan lives in a petri dish for now.

This may be scary to some… pic.twitter.com/Ved8ij9Col

— Bryan Johnson (@bryan_johnson) July 21, 2026

Неговата објава следува само неколку дена откако откри дека му е дијагностицирано автоимуно воспаление на желудникот – заболување при кое имунолошкиот систем го напаѓа сопственото желудочно ткиво.

„Мојата бебе-верзија засега живее во лабораториски сад“

Во објава на социјалната мрежа „Икс“, Џонсон напиша:

„Тукушто се клонирав… како новороденче.“

Потоа појасни дека не станува збор за создавање човечки клон, туку за клетки добиени од неговата крв, кои во лабораториски услови биле вратени во состојба слична на матични клетки.

„Оваа „бебе-верзија на Брајан“ засега живее во лабораториски сад.“

Според него, ваквата технологија во иднина би можела да помогне во развојот на нови лекови, обновување на оштетени ткива и создавање клетки што би се користеле за лекување различни заболувања. Тој додава дека за некого ова може да звучи како сцена од мрачна иднина, додека за други претставува иднината на медицината.

Што всушност направил?

Џонсон објасни дека од неговата крв биле издвоени клетки, кои потоа биле третирани со таканаречените Јаманака фактори – молекули што можат зрелите клетки повторно да ги вратат во состојба слична на матичните.

Иако тој ги нарекува свој „клон“, научниците ваквите клетки ги опишуваат како индуцирани плурипотентни матични клетки. Тие можат да се развијат во различни видови клетки и денес претставуваат едно од најзначајните подрачја на истражување во регенеративната медицина.

Џонсон смета дека во иднина оваа технологија би можела да се користи за обновување на оштетени клетки во кожата, црниот дроб, бубрезите, нервниот систем и други органи.

„Како што клетките стареат, во нив се натрупуваат промени што можат да доведат до послабо функционирање и болести. Оваа технологија отвора можност да се истражи како дел од тие процеси би можеле да се вратат назад“, напиша тој.

Болеста го поттикнала на нови истражувања

Џонсон откри дека токму неодамнешната дијагноза на автоимуно воспаление на желудникот дополнително го мотивирала да ги прошири своите истражувања.

„Спомнав дека дијагнозата на неизлечива болест е една од најдобрите работи што ми се случиле во последно време. Ми отвори сосема нов начин на размислување за тоа како телото може да се обновува и зајакнува. Ова е првиот пример“, изјави тој.

Претходно овој месец соопшти дека болеста, за која верува дека се развивала со години, конечно е официјално потврдена.

„Сега имаме официјална дијагноза. Имам автоимуно воспаление на желудникот. Мојот желудник се напаѓа самиот себе.“

Тој објасни дека ова заболување често долго останува незабележано, бидејќи симптомите се појавуваат постепено, а може да доведе до оштетување на желудочната слузница и нарушена апсорпција на одредени витамини.

Милиони долари за забавување на стареењето

Брајан Џонсон е познат по својот проект „Блупринт“, во кој инвестира милиони долари со цел да го забави биолошкото стареење и што подолго да ги зачува функциите на организмот.

Неговото секојдневие вклучува строго контролирана исхрана, бројни медицински прегледи и различни експериментални третмани. Во минатото привлече големо внимание кога примаше трансфузија на крв од својот син, користеше психоактивни печурки и следеше строго утврден дневен распоред што започнува уште во 4:30 часот наутро.

Ултрабогатите трошат милиони за да останат млади — некои методи звучат како научна фантастика