Младиот британски принц Џорџ, кој вчера го прослави својот 13-ти роденден, веќе од септември треба да го започне своето образование на престижниот колеџ Итон. Иако со овој чекор оди по стапките на својот татко, принцот Вилијам, неговото искуство во интернатот ќе биде драстично поинакво од она на претходните генерации на кралското семејство.

Главната причина за тоа се социјалните мрежи и модерната технологија, кои денес се неизбежен дел од животот на тинејџерите. За идниот крал, кој е втор во линијата за британскиот престол, ова носи огромни предизвици, пред сè кога станува збор за безбедноста и приватноста. И покрај тоа што сите ученици ќе живеат во училиштето, на оние од прва година нема да им биде дозволено да имаат паметни телефони, пишува „Пипл“.

Живот во дигитално доба без паметен телефон

Една од најголемите грижи во британската јавност е фактот што Џорџ во моментов сè уште нема свој мобилен телефон, додека во Итон ќе биде опкружен со врсници кои секојдневно објавуваат содржини на социјалните мрежи. Ова го отвора прашањето како да се заштити приватниот живот на идниот монарх во време кога секоја фотографија или информација може да заокружи на интернет за само неколку секунди.

Кралската коментаторка Кинси Скофилд за „Пејџ сикс“ изјави дека најголемата пречка нема да биде приспособувањето на Џорџ во училиштето, туку балансирањето меѓу неговата заштита и дигиталното опкружување.

„Најголемиот предизвик ќе биде да се зачува приватниот живот на принцот Џорџ во услови кога буквално секој негов соученик има профил на социјалните мрежи“, истакнува Скофилд.

 

View this post on Instagram

 

A post shared by The Prince and Princess of Wales (@princeandprincessofwales)

Таа потсети дека принцовите Вилијам и Хари посетуваа Итон во ера кога социјалните мрежи не постоеја. За разлика од нив, Џорџ расте во време кога само еден непромислен потег или фотографија од неговите соученици може веднаш да стане вирална ширум светот. Поради тоа, безбедносните мерки денес не вклучуваат само физичко обезбедување, туку и заштита од дигитална изложеност и снимање со дронови.

Искуството на принцот Вилијам

Принцот Вилијам учеше во Итон од 1995 до 2000 година, каде што благодарение на тогашниот договор со медиумите успеа да има релативно мирно тинејџерско детство. Бидејќи Итон се наоѓа во непосредна близина на замокот Виндзор, Вилијам тогаш редовно заминуваше на чај кај својата баба, кралицата Елизабета Втора.

Додека Џорџ се подготвува за новиот животен чекор од септември, неговите помлади сестра и брат, принцезата Шарлот и принцот Луи, сè уште ќе посетуваат училиштето Ламбрук сè додека не наполнат 13 години.

На Кејт Мидлтон и принцот Вилијам им годи новиот дом: „Само сакаме повеќе мир и зеленило“

ФОТО | Принцот Џорџ наполни 13 години – објавена е нова фотографија, а во септември го очекува голема животна промена