Градските власти во Неапол официјално објавија дека стадионот „Сан Паоло“ во иднина ќе го носи името на аргентинската фудбалска легенда.

Диего Армандо Марадона почина во средата на 25 ноември на 60-годишна возраст и веднаш беше објавено дека стадионот на Наполи ќе го носи неговото име.

Во 1984 година „како најскап фудбалер дојде во најсиромашниот град“ и му донесе незамислива среќа на Наполи, односно му ги донесе првите и досега единствените две титули шампион на Италија, националниот Куп и УЕФА купот за период од седум години до 1991.

Napoli's Mayor has just confirmed that Napoli's stadium is now officially named Stadio Diego Armando Maradona ? pic.twitter.com/9O9E4gMp3H

— Italian Football TV ?? (@IFTVofficial) December 4, 2020

Откако Наполи ја објави намерата стадионот да го носи името по Марадона, се појавија одредени административни проблеми и правила дека едно лице мора да биде починато десет години пред да го носи името на спортскиот објект.

– Со одлуката одобрена денеска, стадионот ќе се вика „Диего Армандо Марадона“. Одлуката беше предложена од градоначалникот на градот Неапол, Луиџи де Маџистрис. Веднаш по состанокот на Извршниот комитет, Советодавната комисија за градски знаменитости го одобри предлогот на градоначалникот, градскиот советник и самиот Совет да го именува стадионот „Сан Паоло“ како стадион „Диего Армандо Марадона“ – се вели во соопштението на градските власти во Неапол.

Свештениците се противат на преименувањето на „Сан Паоло“ во Диего Марадона!