Дресот на Марадона од мечот против Англија не се продава!
Поранешниот англиски репрезентативец, Стив Хоџ (58) во вторникот изјави дека мора да ги одбие потенцијалните купувачи на дресот што го носеше покојниот Диего Марадона за време на четвртфиналниот натпревар помеѓу Англија и Аргентина на Светското првенство во 1986 година одржано во Мексико и инсистира дека истиот не е на продажба.
После мечот кој Аргентина го доби со 2:1, во кој Марадона го постигна првиот гол „Божја рака“ и вториот по феноменалната соло акција од својата половина, Хоџ го смени дресот со славниот Аргентинец. Иако се наоѓа во Англискиот национален музеј на фудбал во Манчестер, дресот е во сопственост на Хоџ.
Former England midfielder Steve Hodge says he has spent a week fending off potential buyers for the shirt worn by Diego Maradona in the infamous 1986 World Cup quarter-final but insists it is not for sale. https://t.co/QQ6aejln6a
— Reuters Sports (@ReutersSports) December 1, 2020
По смртта на Марадона пред пет дена се случи вистинска лудост за дресот, а експертот за спортски спомени процени дека може да постигне цена од два милиони долари.
– Го имам овој дрес 34 години и никогаш не сум се ни обидувал да го продадам. Има неверојатна сентиментална вредност. Луѓето постојано ми тропаат на вратата и телефонот ми ѕвони, тоа не е пријатна ситуација. Има дури и лажни вести дека барам милион, па дури и два милиони за него, како да се обидувам да заработам пари користејќи ситуација. Сметам дека е крајно навредливо и целосно погрешно. Тој дрес не се продава – рече Хоџ.
Патем, Хоџ беше играчот кој испрати „балон“ во правец на неговиот гол, на кој потоа скокнаа Марадона и англискиот голман Шилтон кога Марадона со рака ја испрати топката во мрежата, а Хоџ беше еден од шесте играчи пред кои Марадона истрча но што постигна „голот на векот“.