Официјално: Хоџсон се врати од пензија и седна на клупата на Вотфорд

Нов предизвик за Рој Хоџсон/ фото: EPA-EFE/Steve Paston

Рој Хоџсон и официјално е назначен за нов менаџер на Вотфорд. Тој доаѓа на местото на Клаудио Раниери кој доби отказ по слабите резултати сезонава.

Премиерлигашот на својата официјална интернет страница му посака добредојде на Хоџсон кој ја прекина фудбалската пензија во која замина минатата сезона кога го напушти Кристал Палас.

Покрај Хоџсон, во Вотфорд доаѓа и неговиот долгогодишен прв асистенст, Реј Левинготн, кој веќе ја има водено екипата и тоа во периодот од 2002 до 2005 година.

Вотфорд ќе биде 17 клуб за Хоџсон во тренерската кариера. Најголемиот успех го имаше со екипата на Фулам кога во 2010 година играше во финалето на Лигата на Европа и беше поразен од Атлетико Мадрид.
Дебито на клупата на Вотфорд, Хоџсон ќе го има на 5 февруари на гостувањето кај  Барнли.

 

Видео на денот