Голманот Борко Ристовски во следните два месеци ќе биде член на бундеслигашот Лемго, како позајмен играч. Потоа, се враќа во Вардар каде ќе настапува во пролетниот дел од сезоната.

Управата на Лемго се обрати до Вардар со молба да им го позајми македонскиот голман до крајот на годината со оглед на тоа што нивниот се повредил (Урх Кастелиц), а имаат важни мечеви во домашното првенство.

Вардар со задоволство одговори на барањето на Лемго и го ослободи Ристовски, чиј трансфер беше денеска целосно комплетиран и тој до крајот на годината ќе настапува во Бундеслигата.

– Среќен сум што ќе играм повторно во најсилната лига на светот и ќе го дадам максимумот во следните недели месеци да му помогнам на Лемго на најдобар можен начин – вели Ристовски за официјалниот клупски сајт на Лемго.

Претходно во Германија нашиот чувар на мрежата ги бранеше боите на Гумерсбах и Рајн-Некар Левен.